الأقلية فى البرلمان هى نبض الشارع وقولنا للحكومة «أن الناس بتكلم نفسها فى الشارع من كل حاجة وخاصة الأسعار»

قالت النائبة مها عبد الناصر عضو مجلس النواب عن  حزب المصري الديمقراطي الاجتماعي: بسأل نفسي يومياً أنا موجودة في مجلس النواب بعمل إيه؟.. وهل اللي أنا بعمله دا ليه قيمة ولا ملهوش قيمة لأني مش قادرة أغير علشان أنا أقلية.. ولكن التاريخ بيقول أن التغيير تراكمي واحنا عايزين نبني تراكم ومش هنقدر نغير حاجة إلا لما نبني تراكم ونبني زخم وأن العدد القليل دا مع الوقت الناس تعرف أن هما اللي بيمثلهوهم.

النائبة مها عبد الناصر: الحكومة هي وحدها المنوطة على الإجابة على سؤال متى تنخفض الأسعار

وأضافت عبد الناصر، في حوار لـ تحيا مصر: التغيير تراكي وعمره ما هييجي مرة واحدة…احنا كأقلية فيه العديد من الكوارث بنلحقها.. في بعض الأشياء نعمل تأثير فيها.. وأنا شايفة لو أن التقدير الوحيد أني بوصل صوت المواطن اللي حاسس أنه صوته غير مسموع للحكومة فأنا شايفة أن دا شيء جيد على الأقل يحس أن فيه ناس بتمثله وأفضل بكتير أنه يحس أنه مش مسموع.. وهذا في حد ذاته مش قليل.. احنا نبض الشارع وبنمثل الناس.. وبنعرف الحكومة أن الناس ماشية تكلم نفسها.

النائبة مها عبد الناصر: كنواب معندناش ردود عن  انخفاض الأسعار والحكومة معندهاش قدرة على الرد

وتابعت: تتقدمت بأكثر من أداة رقابية في موضوع انفلات الأسعار خاصة السلع الأساسية كسلعة السكر قبل دخول رمضان.. وأنا بحب أقدم الحاجات دي مرتبطة بالخلفية الاقتصادية الخاصة بها .. وبقول  الحكومة عملت أكبر مصنع سكر في الشرق الأوسط في ملوي..وسؤال هناهل هذا المصنع ينتج أم لا وإنتاجه فين؟ خاصة أن الحكومة وعدت بتحقيق الاكتفاء الذاتى من هذه السلعة تحديدًا وهو أمر لم يتحقق …وتكلمت عن مصنع أبو قرقاص عندما توقف خط قصب السكر.. فهل الحكومة معندهاش تخطيط زراعي ولا صناعي.. ولا أي حاجة بتحسب احتياجات المواطنين واحتياجات الدولة .. فيه جشع تجار أيوة فيه .. بس دا لو حقيقي فده مسئولية الحكومة لأنه لا يوجد رقابة على السلع الأساسية.. احنا كنواب معندناش ردود عن  انخفاض الأسعار والحكومة معندهاش قدرة على الرد.. والحكومة هي وحدها المنوطة على الإجابة على سؤال متى تنخفض الأسعار.

Related Posts